7/19/2010

CABALLERO SIN ESPADA. EXISTEN OS PERSONAXES DE FRANK CAPRA?

Aínda que xa metidos no verán , nunca é tarde para recomendar unha boa película, e se esta leva o “selo” de F. Capra, a calidade está garantida . Caballero sin espada, en inglés Mr. Smith goes to Washington, está filmada en 1939, con James Stewart no papel protagonista. Trátase da historia dun xoven e inxenuo monitor de boys-scouts, que é proposto como senador por unha serie de personaxes poderosos, seguros de que este se comportará coma un “home de palla” fácilmente manexable, a fin de conquerir os seus turbios propósitos. Jefferson Smith, fillo dun avogado que perdera a vida na defensa dos máis humildes, chega a Whasingthon, onde queda abraiado pola magnificencia da cidade . Pero decátase rápidamente do que queren facer con el: utilizalo para aprobar unha lei que vai en contra dos seus principios, á vez que beneficia a intereses de escuros personaxes. Coa axuda dunha secretaria do senado, loita con todas as súas forzas na cámara parlamentaria para defender a causa xusta nunha batalla desigual, na que o insignificante Mr. Smith, ten todas as de perder. Ao final, gaña a xustiza e o heroe Smith, ve recoñecidos os seus dereitos e os dos cidadáns aos que representa.
Frank Capra, emigrante italiano, nado en Sicilia, é considerado por moitos críticos como realizador de bos filmes, pero un pouco “edulcorados”, con un “happy end” que simbolizaría o agradecemento do bo emigrante á “terra prometida”. É certo que as películas de Capra “acaban ben”, e resaltan os valores da bondade e liberdade , pero isto non quere dicir que a vida de Capra fose un “camiño de rosas”, nin que sempre se atopase cos seus encomiables personaxes de ficción na vida real.
Non. A vida é dura, tamén en América e de certo que o foi para o autor de “Qué bello es vivir”. En Caballero sin espada (rodada en 1939, en que a meirande parte de Europa sucumbía ós totalitarismos) o chamado “soño americano” está patente como nunca, na loubanza das institucións políticas. Porque Capra entende que, con todas as limitacións de calquer sistema democrático, o parlamento e a liberdade de prensa serven, para que cualquer descoñecido e insignificante “Smith” poida facer realidade ese soño universal que os homes de ben ansían desde sempre: que todos os seres humanos sexan iguais ante a lei e teñan dereito a reivindicar xustiza, indepedentemente do seu sexo, condición social, raza, crenza ou ideoloxía. De non se respetar este dereito, estaríamos nun réxime totalitario.
En canto a si existen na vida real eses personaxes típicos das suas películas, con coraxe, desinterese e altruismo …..qué dicir?. Cada cal que faga a súa conta….. e o máis probable é que resulte pouco alentadora….Pero, como as meigas, habelos, hainos. Están misturados co resto da xente, non teñen ningunha etiqueta que os identifique, pero…..están cando teñen que estar. En realidade tod@s podemos nos converter nun personaxe de Frank Capra cando perdemos o medo ao soberbio, á persoa que sabemos que abusa, ao manipulador, ao totalitario, e cando, por diante dos nosos intereses, antepoñemos o sentido da dignidade e da xustiza .
Gracias, Frank Capra, por nos deixar estas películas que nos lembran que nunca podemos baixar a garda ante esas persoas con atractiva máscara, pero que agochan tras dela unha faciana indigna. Que non nos enganen e que @s saibamos descubrir a tempo!!. Disfrutade da película e feliz verán !!
FICHA CINEMATOGRÁFICA
Mr. Smith Goes to Washington
Título
El señor Smith va a Washington / Caballero sin espada
Ficha técnica
Dirección
Frank Capra
Producción
Frank Capra
Guión
Historia:Lewis R. FosterGuión:Sidney Buchman
Música
Dimitri Tiomkin
Fotografía
Joseph Walker
Montaje
Al ClarkGene Havlick
Reparto
Jean ArthurJames StewartClaude RainsEdward ArnoldGuy KibbeeCharles LaneThomas Mitchell
Datos y cifras
País(es)
Estados Unidos
Año
1939
Duración
129 minutos
Compañías
Productora
Columbia Pictures

8 comentarios:

Anónimo dijo...

En realidade o mundo non pode funcionar sen os personaxes de Frank Capra: esta é a explicación de que o mundo estea como está

Pablo dijo...

Noraboa pola elección da película.Nesta como en ningunha outra vense os valores da verdadeira democracia, á que sempre hai que aspirar, desbotando "as imitacións" ou caricaturas da mesma.

Anónimo dijo...

Ai filliña!; personaxes de Frank Capra; pois non pides ti nada...Os personaxes así.....son DE CINE!!

Celia dijo...

Se entiende que el personaje de J. Stewart sea como es: su padre era abogado de pleitos pobres...

Beatriz dijo...

La película de Capra es cualquier cosa menos edulcorada, blanda o sensiblera; muy al contrario. La película ensalza los valores esenciales de una democracia, que no solo se sustentan en el consenso sino también en una BASE ÉTICA IRENUNCIABLE.Y como recuerda la reseña,la película es del año 1939.El propio James Stewart estaría, dos años más tarde luchando contra el fascismo en Europa. No lo olvidemos, no es un dato anecdótico

maria dijo...

Feliz Año,Caballero sin espada.Eres una realidad palpable de lo que fue y de lo que es.

Luz dijo...

Más vale pena en el rostro que mancha en el corazón.Ánimo,Smith

Anónimo dijo...

Good Bay Mr. Smhith!!